ضربتها الفيقة صباح بكري ناضت عرقانة وقلبها مقبوط ..تقادا في الجلسة وخلات عقلها ياخدها لجهة الجلسة والطلاق وان اليوم اخر نهار ليها مع مراد حسات براسها تخنقات وهي تجمع الوقفة لشرجم تستنشق الهواء ويضربها داك البرد النقي ل كيكون مع الصباح باش يرجع ليها النفس ويهدنها شوية ،داكشي ل كان بقات واقفة وكتشتنشق وتفكر واش تاخد شي خطوة لقدام وتمشي عندو وتكون مبادرة منها ولا تريح الارض ... حتى كتزعم وكترجع على الفكرة بحجة كرامتها متسمحش ليها وان كبريائها فوق من كلشي ....وعلاش تنازل هي مالو ما يتنازل هو حتى كتلقى راسها راه هي لمعطاتوش فرصة يدافع ويبرر ويناقشو امورهم وهنا كترجع لنقطة الصفر .... نفخت بيأس ماعرفت مادير كانت فحيرة من أمرها وقرارها بقات هاكاك حتى طلعت الشمس وعتادلت لبست حوايجها لكانو عبارة عن كسوة قصيرة فوق الركبة ومخلطة بالوان صيفية ممزيراش بزاف عليها كانت بحزامها لي مزين وسطها جات مع فورمتها و بينت اناقتها وجمال خصرها .... اكتفت بمكياج خفيف باش حتى الا بكات وبقي فيها الحال مايتجخلطش ليها هادشي لي قاليها عقلها ....طلقت شعرها رشات ريحتها ولبست صندالة عالية عاد هبطت ...كانو مزال ناعسين استغلت الفرصة وخرجت بدون ما يشوفوها ركبت طوموبيل ديالها وانطلقت والووجهة "البحر "
اول حاجة كانت باغا ترجع تفكرر وتصفي ذهنها مزيان حيث هاد الخطوة غادي تكون كبيرة في مجرى حياتها وخاص تفكر فيها..دقائق قليلة وكانت قدام لمواج لي صوتهم كيرض الروح ...نزلت من الطموبيل وربعت ايدها قدام صدرها وبرد البحر لقوي كيضرب فيها ...كتحس بيه بحال كيصرفق ويفيق فيها وعقلها خدام يفتي عليها وقلبها خلاص كان كيغوت وسط ديك المعركة الداخلية ...
لعقل كيقول ~ كون كان باغيك غادي يبقى متمسك بيك لاخر نفس في الحياة ،ولكن هو بزربة تخلى وخانك قدام عينك وكذب في وجهك وقاليك صديقة واش غادي ترضاي بهاد الذل وقلة القيمة واش غادي تطيحي من راسك وتمشي لعندو... لا لا كوني مرا قوية ولي يعطيك النخال بيعي بابا نتي گاع ..
كيسكت عقلها وينوض قلبها يدافع ويقزل~ واش كون مكان باغيك كان غادي يصبر على فراق عامين... كون طلقك في الشهر اللول وسمح فيك ، ماشي يطيح كرامتو على قبلك واخا انتي مدرتي فيها ما يصلاح مشيتي وخاليتيه وراك مجروح ... سمحتي فيه بدون مترددي نتي لغالطة وخاصك تعتارفي!! نتي ل منك لافوت وخاصك تحركي خلاص قبل ما يطير من بين ايدك وتبقاي تبكي علينا وديك ساع مكينفعش الندم ...غتكوني بيدك قدميه فطبق من ذهب للي كيضورو بيه..
خبطت رجلها مع الارض ونطقت بغضب ~ والله لا كان ليها ولا داتو ...
ركبت في طموبيلتها من بعد ماكانت مقررة اشنو غادي دير وهذا المرة كانت الوجهة لدار عند مراد بن زين لكن قبل قضات شي حاجة على السريع
نص ساعة ديال الطريق وكانت قدام دار مراد ركنت طوموبيل ونزلت بعد تردد كبير...الزعامة حسات بيها غادية وكتلاشى شويا بشويا كتقدم خطوة وتراجع خطوة بعد عناء كبير قدرات تدخل وتوقف قدام الباب الحيرة لي جاتها باش تدق ما حرتهاش ملي كانت باغة تسني على عقد تاع الزواج ،واقفة وكتشوف وصراع كبير بين ذق وكتزعم ولا تراجع
مدة طويلة عاد خدات قرارها وفعلا وركت على الصونيط تاع الباب وقلبها كيضرب كون غير مادرتهاش ديك ردة فعل ديالو هي ل مخوفاها وكيفاش غادي تكون ..شويا ديال الضغظ النفسي بين تمشي وتبقى حتى كيتفتح الباب كان مراد يالاه فايق من نعاس عريان لابس غير شورط قصير وخير ربي باين ومعزول حل عينه فيها صدماتو اخر حاجة كان متوقعها ان نادية مروك قدامو ...حك عينيه مزيان وهي توضاح ليه الصورة ،اما هي حشمات وحناكها تزنكو بدات غير كتقلب وتشقلب في عينها باش متشوفش فيه ،
حس بالفرحة بنسبة ليه غير مجيتها هنا راه خطوة إجابية في حد ذاتها ...تعوج في الوقفة ضروري ما خاصو يتعفر عليها ... عوج سيفتو فيها وطلعها وهبطها شاف صيگانها العريانين وصبيعات رجليها المصبوغين والمقادين بعناية وهو يخنزر فيها عاد نطق بعصبية وكرز على سنانو~ الالة المحامية تغالط ليك باب المحكمة مع باب داري ولا شنو .؟؟
طلعت حاجب وهبطت لاخور حطات ايدها على خصرها عاد نطقت بستغراب~ اشنوووو ؟؟
بشوفات غير راضين على حوايجها خصوصا صيكانها اما صبيعات رجليها خلاص حمقوه ،تكلم بجدية ~ استاذة !! اشنو كاين على الصباح
سىطات القمعة وجوبت بشويا ~ غادي نهضرو هنا قدام الباب
شاف فيها في عينها ونطق بسم ~ اه غادي نوقفو هنا الا عندك شي حاجة قوليها دغيا !!
مقدرتش تزيد تاخد في لقميع من عندو ، حدرت راسها وتمات راجعة غادية فحالها تبعها شدها من ايدها ونطق بزربة ~ اجي لهنا فين غادية .
جوباتو قالبة وجها كاعية ~ غادية فحالي !
جرها من ايدها ودخلها لداخل...أول حاجة دارت رمات عينها في الدار وكتشوف فيها كانت منظمة وهي هاديك حتى كتشوف اميمة خارجة من البيت عريانة كثر من مستورة ...نادية الصدمة شلات ليها فمها حيدات ايدها من ايد مراد بنترة وزعاف دار شاف فيها لقاها كتشوف فيه بالانكسار ووعينها عامرين اسئلة حدر راسو مقدرش يشوف فيها ومشا يلبس عليه ، منظر كان صعيب على نادية بزاف متوقعاتش حتى لهاد الدرجة تلقاها في دارها في نفس البلاصة مع راجلها كانت صعيبة عليها بزااف ولكن كبريائها خلاها واقفة كالجبال الشامخة خدات نفس عميق وبردت على راسها نار الغيرة وضعف الانكسار ..
جات عندها اميمة بابتسامة مصبحة عليها ~ صباح الخير ، نادية
مجوبتهاش ضربت فيها وزادت تبعت مراد للبيت كيف دخلت خبطات عليه لباب ونطقت بالغوات ~ اشنووووووووو هااااااااااادشيييييي ؟؟
متقبلتهاش معاه في نفس الدار وواخدة راحتها ومعرية كثر ما مغطية وهو كثر منها ...بحالها بحال اي وحدة فينا غتشوف لي كتبغي مع شي وحدة فنفس المنظر مغتقبلوش عسااك راجلهاا ...تبعاتو للبيت تجري وكيف دخلت خبطات عليه الباب ونطقت بالغوات~. اشنووو. هادشييييي ؟؟
جوبها وهو كيلبس في حوايجو ~ بلاما تفهمي غلط هاديك غير صديقتي ما بيني وبينها والوو ،وزيدون انا ماشي مجبر نشرح ليك... عام وزيادة وانتي غابرة جي سولي قبل ما نعرفها ماشي حتى نعرفها واخا !!
صدمها بجوابو ومرضاتش ،قربت لعندوو كاعية دفعاتو حتى تخبط مع البلاكار حتى عصباتوو ..هضرت وهي كترعد ممتحماش فراسها~ مجبرررر تشرح ليا مجبررر !! حيث انتا راجلي وسميتك مزال مرتابطة مع سميتي... معندكش لحق تشوف في حتى وحدة اخرا كتسمع !!
جاوبها بنفس نبرة لغوات حتى عروقو بانو~ عنننننننندي الحق نشوووف فيمن بغيت ونتي ماشي شغلك حيث هاد الحق لي جاايا تدوي عليه ..نعت فيها بيدو وقال...نتي لتنازلتي عليه بكامل إرادتك ومبقى عندك ما تساليني نتصاحب ،ننعس ،ندير ل بغيت ونشوف فينما بغيت ونسَكّن معايا ل بغيت مزال شي حاجة اخرا ..
عارفة كل كلمة عندو فيها الحق وهي سباب حتى كبرات الفجوة بيناتهم وخلات منين يدخل هادشي كامل... قربت لعندو حتى حس بأنفاسها كضرب في صدرو العاري ...حاولت تحكم في أعصابها بزز عليها...حيت عارفة عندها جزء كبير فهادشي ولكن نار الغيرة شنو دير فيها ..جمعت الهضرة في فمها عاد نطقت ~ هادشي مكيعطيكش الحق دير هادشي راك راجل مزوج حتى طلق وديك ساع دير لي بغيتي ...
خنزر فيها تخنزيرة حارة عاد تكلم وهو معصب ~ مكندييييير والو ، من نهار تزوجت بيك مدرت شي خرية ...وماشي حيت رجل مخلص وداك لخوا لخاوي لااا ..حط سبابتو على صدرها وبدا كيضرب بشوية ..حيت مبقيت باغي تا وحدة من غييرك
نزل يدو لخصرها دفعها منو جهتو حتى لصقت عليه وحطات ايدها على صدرو كتشووف فيه ~ واش لهاد درجة مكنبانش ليك ..واش محاساش بيا گاع
نزلت عينيها الارض شادة راسها بزز قلبها كان كيضرب في العالي ورجليها حاسة بيهم خواو بيها لدرجة يطلق منها تطيح ليه تماا حسات بقبضة يدو هزات ليها ذقنها وبعينيه محمرين فيها ~. هزي راسك وشوفي فيا رااني داوي معاك ...بدات كتشوفيه وشفايفها كيترعدو حط صبعوكيدوز عليهم قبل مينزل عليهم بشفايفو كيبوس
فيها رفعها لعندو وهي مشات معاه وكانت باغاه دورت رجليها عليه و ايدها على عنقو ،دخلو في قبلة عنيفة مجموع فيها اشتياق وعتاب وغربة عامين نزلها فوق الناموسية مكمل على شنو بدا
كان كيبوس فيها وايديه باغا تملك جسمها ، طلع لودنها وهمس فيها ~ بغيتك تكوني مرتي ماشي غير في الوراق بغيتك انادية ..صد
مها بطلبو حست براسها تكوانسات وهي تحط ايدها على صدرو مبعداه ~ ولكن امراد
مخلهاش تكمل كلامها جمع الوقفة من فوق منها ونطق بسخط ~ عمرك ما غتبدلي بغيتك غير تقولي اه بدون ما تفكري ...معاك انا مكنضرب حسبة لاي حد دايرك نتي لولة ولكن انا عندك مكلاصي لخر... غرضي كان ماشي هو النعاس حيت ل صبر عامين قادر يصبر ولكن جربتك وبرافو عليك في كل مرة كتخيبي املي فيك....بان ليا الطلاق هو الحل الانسب ليا وليك باش نرتاح من هاد العذاب..
هز تريكوه لبسو وخبط الباب وخرج
عضت على فمها بنذم وغمضت عينها بيأس جات تكحلها عماتها عارفة عزة الرجل في هادشي شحال سمعت بيه وخصوصا في قضايا لدوزات ...الرجل بطبعو هكاك مكيبغيش لترفضو خصوصا في مسائل الجنسية كيكونو حساسين فيه بزاف ..قدات حوايجها وصدرها وشعرها عاد خرجت لعندهم لقات مراد واقف في الكوزينة حدا اميمة كيكمي بزعاف وباين فيه طلوع الدم وهي واقفة كتسخن في الخبز وكتهضر معاه باغا تعرف مالو
أميمة ~. شنو كااين واش دويتو
نار الغيرة رجعت سيطرت عليها وكلمة طلاق في وذنيها كتردد خلاتها متسكعش شنو كتقول اميمة تشوف غير ايدها لي محطوطة على كتف مراد ...ردو ليها البال هز عينو فيها وهو يخرج خاوي ليها لبلاصة گاع ضرب فيها وزاد وخلاها متبعة ليه لعين
أميمة قربات منها ~. ممكن ندوي معاك
نادية طلعت فيها وهبطت ~ ما عندي فاش ندوي معاك غادة فحالي !!
اميمة جراتها من يديها حتى جات عينيها في عين نادية لي كانو قرطاس وحارين فيها محاملاهاش تقيسها ~ سمعي اختي نوريك حيت بنتي ليا تالفة ، وركات على كلامها ...مراد راه بحال خويا كتسمعي ، كون كانت شي حاجة بيناتنا ميخليكش على ذمتو عامين حيت تا انا كثر منك مكنبغيش الحاجة المشروكة
اميمة بدات تضحك باستهزاء ~ متشديش فيا انا وخليك فتصرفاتك حيت انا نقدر نبات منصبح ولكن تا حاجة مغتغير الا مغيرتيش راسك ...بتنبيه ...غلطتي و بزاااف في حقو ومزال مبغاش توووبي ... فيقي لراسك هادشي ديالك غيخرج عليك غير انتي وهاني قلتها ليييك ، والا كنت انا مابيني وبينو والو راه غتجي لي طيرو ليك قدام عينيك حيت ممنوش زوج اوك ...
مهم هادي اخر هضرة غتجمع بيني وبينك وكون ما مكان هو كيبغيك وكنشوفو ممرتاحش بلا بيك منقولهاش ليك ..
خرجت اميمة مخلياها بوحدها تضور الهضرة فراسها ، كانت حاطة ايدها على حنكها وكتخمم شنو دير ، لي عطا الله عطاه والمحكمة مبقى ليها والو كيف دير تقنعو وشنو تقوليه وهي ممستعداش تجلس حاليا معاه ومها مفخبارها والو وممهداش ليها الموضوع وفنفس الوقت ممتقبلاش فكرة الطلاق ..
خاصها الوقت وهو لي مكاينش ملقات قدامها تا خيار من غير داكشي لي كانت جايا عليه .. بلاما تحس جبدت المنوم لي شرات في طريقها من صاكها دارتو في العصير وحتى القهوة وكلست كترعد ماشعرتش براسها حتى دارت لدارت
بقات نابتة بلاصتها وأميمة تمشي وتجي عليها كتوجد فطبلة لفطور فقلب الصالون ،بزز منها صبرات على منظر وحدة مرجعة راسها مولات دار ولكن مكانش خاصها تمشي حتى تأكد بلي شربو العصير ولا القهوى....كملات اميمة لحطان وقالت ليها ~ اجي تفطري معانا....ضحكات ضحكة صفرة وخرجات تابعاها لقاتها جالسة بوحدها ومراد مكاينش
أميمة ~ قهوى ولا عصير
نادية بدات تضور في عينيها وطلبت قهوة بعدا الطاس مغطي مغيبانش واش شربت ولا لا ~ كبيي ليا قهوة عفاك
هزات ليها راسها بالايجاب وكباتو ليها ومداتو تشكراتها وبقات تدور في وجهها تسنى فيه يخرج بان ليها مطول وهي تقول بتلحليح باغا حاجتها ~. عفاك قوليه يخرج يفطر مكلا والو
اميمة جرات الكرسي وناضت ~. واخا انا نحاول ، الله يهديكم وصافي على بعض
دخلات لعندو كان جالس فطرف الناموسية كيكمي ~ نوض تفطر
مراد هز راسو فيها وقال بتساؤل ~. مشاات ؟؟
اميمة حركات راسها بنفي ~. لا مزال برا وكتسنى فيك تخرج تفطر معانا ، شوف نعل شيطان ونوض كون مكتبغيك متجيش تال هنا
مراد بانفعال ~ ديك الهضرة مكتقضيش معايا
اميمة جراتو من ايدو وقالت ~. واصافي نوض دويت معاك
طفى لگارو وتم جاي معاها خارج عاقدهم... بطرف عينيها كتشوف واش خرج تا بان ليها عاد رتاحت
مدوا ولا تكلم جلس في راس طابلة راجل ومضور بيه زوج عيالات بداو يفطرو كب ليه قهوى وأميمة لراسها عصير اما هي مرة مرة تهز داك الكاس ودير راسها كتشرب منو حتى صونا تليفونها هو لي نقذها ...جبدتو من صاك كانت نمرة جديدة جوبت ديك ساع بلاما تردد ولا تفكر كثر ..
غادا شادا طريق لتيم لخليفي مخدمة موسيقى غربية كتصنط ليها ، دازت على طريقها من مدرسة لي بنسبة ليه نقطة بداية لهادشي كامل لفيه دابا ، غير شافتها تفكرات اول نهار واول لقاء ليها معاه.... تنهدات وقلبات وجهها مركزة مع طريق مبغاتش تزيد تغوص في تفكير وخسر خاطرها...بقات هاكداك حتى وصلات ..بلاصات طوموبيلتها وخرجات كانت لابسة كلاس سروال دجين وقميجة بالبيض وفوق منهم فيست نواغ مع صندالة عالية نواغ في ايديها صاك كبير تا هو فلكحل شعرها جامعاه ذيل حصان ماكياجها كان نهاري عادي جدا وروايحها كيف ديما تعطعط من بعيد ...خدات المصعد بعد مقدمو ليها التحية لي فشركة حيت كلهم ولا كيعرفو شكون هي مدام مريام
قصدات بيروه نيشان ومخلاتش لسكرتيرتو الفرصة فين تعلمو ...دقات الباب ودخلات ،كان منزل راسو على وراق قدامو لابس نظاظرو مخبي بيهم التعب لي واضح من عينيه ....جايا تقرقب بطالونها عليه حتى وصلات حداه حطات صاكها في الارض وجلساات في الكرسي قبالتو ونطقات وهي كتشوف في بيروه لكبير ولي اطلالتو غزالة عجبها وعمر ليها لعين ~. من ليوم غنولي نجي لشركة بحالي بحالك داكشي علاش خاصني شي بيرو يكون بحال هادا ولا حسن گاع حتى نتوصلو لحل ...كيخصني نوقف على شغلي وشغل ولديييي بيدي
وقف داير يدو فجيبو وراسم ابتسامة جانبية ..ردات ليه لبال كان لابس كيف ديماا سروال توب هاد المرة فلزرق مع قميجة بيضة بلا كرافاط حال صدايفها لوالا مخلي زغب شعرو يبان شعرو كان مرتب بطريقة رجولية ..جا حتال قدامها وجلس على الكرسي مقابل معاها وتحنى شوية جهتها مايل ودار يدو على ركابيه وقال بطنز ~. مبغيتيش يكون فيك شي مرايا وبلاكار تحطي فيه حوايجك وتخربيق لي كتحطي فوجهك
مريام بنظرة تحدي ~. لي تشهات خاطرك معنديش مشكيل لمهم نقابل خدمتي لي هي فالاصل هواية عندي وكتعجبني ونزيدك واخدة فيها ديبلوم وتدربت وزدت تعلمت على يد احسن استااذ
هز فيها راسو كيستناها تقول الاسم وهي تنطق~ موسيو جيمس سر
هذا الخراب الذي بداخلي لم يولد معي ،هو نتيجة لقائك المدبر ، حبك الوهمي وقلبي المرهف ..
بسببك اصبحت انا ما عليه اليوم
بغات تلعب معاه قرر يسايرها بنسبة ليه بنت تسعينات مغاديش تشطحو وتخليه يرضخ ليها
زيداان دوا بجدية ومن اللخر ~ غنجيك من اللخر امدام مريام حيت بنتي ليا كتشوفي شوفات بعاد ، الشركة انا مخارجش منها بغيتي مرحبا مبغيتيش مرحبتين
مريام ببرود عكسو ناوية تصفيها ليه ~. تا انا بحالك ، الشركة منتخلاش عليها ...بدات تهز فيدها كتشرح ليه ...ناوية نخدم ونستثمر اللهم فيها بلاما نبدا من جديد
قطع حديثهم سكرتيرة لي دخلات تعلم زيدان بوصول المحامي ديالو حرك ليها راسو وخبرها تقوليه يدخل....
على عكس أستاذ احمد لي مرعود مع راسو ولي ضطر زيدان يوضفو باش يسد بلاصة نادية...هدا من شكلو ووجهو وحدة ملامحو باينة فيه ممعاهش اللعب جاي لابس كلاص كأغلبية المحامين شكارتو فيدو الضحكة مليهاش الاثر في وجهو ،عينيه مكمشين لكن شكلو انيق في سن كان اصغر من زيدان تقريبا نفس سن مريام او اكثر بشوية ..رمى سلام وجلس بعدما سلم بالايدين مع لخليفي اما مريام كتفى يهز ليها راسو ...
رجع زيدان بلاصتو وهما بزوج جالسين قدامو عرف عن نفسو لمريام بلاما يحتاج زيدان يدوي
تسرسب عليها في الهضرة مخلاش ليها الفرصة لا تقول متشرفين ولا تستفسر ..هزات فيه حواجبها وجوباتو ب ~ جايا في طريق !!
وقف مشا لجهة طاولة العمل وهو غادا في طريقو كان كيقول ~. نتمنى متعطلش باش نطرقو هاد المسمار حيت خدا كثر من حجمو وضيع وقت كثير
مجات فين توصل القهوة حتى وصلات نادية وجايا تاهيا ناوية على خزيت ..رمات سلام ودخلات عينيها نيشان مشاو للمحامي الجديد طلعتو ونزلتو وهو كان كثر منها جلسات على الكرسي كتدوي مع مريام بالهمس وهما يسمعوه قال
فراس ~ واقلة نبداو
هز ليه زيدان راسو كموافقة وهو ينطق ~ مدام بلحاج
مريام باعتراض ~. مدام جيمس عفاك
قال رافع من صوتو شوية ~ مدام بلحاج ولا مدام جيمس ولا الاستاذة مريام كيبقى الاسم غا شكلي ومغنوحلوش فيه على عكس الشراكة لي غنوعرو فيها
تكات نادية على الكرسي مشابكة يديها مخلياه يعبر كيف حلا ليه ~. باش نجيوك من الاخير انا ليل كلو وكنقرا اتفاق لي كان بين موسيو بلخليفي وبين موسيو جيمس لقيت بلي زوج ديالك كان شريك بالفلوس فقط
نادية ضحكات باستهزاء ~ وكاينة شي حاجة ما حسن من لفلوس فهاد الاتفاق علاه كون ماهو غتوقف هاد شركة
فراس ميل راسو عندها ~ شركة وقفات بخدمة ليل والنهار بشحال من عام دتمارة ديال موسيو زيدان ولفلوس لي ساهم بيهم موسيو جيمس رجعو ليه مضوبلين
نادية ~ هادشي ااستاذ كيبقى هضرة حنا كنشوفو لوراق
زيدان تدخل ~ غنحاول هاد الموضوع ميطولش بزاف ..كيف ذكرت للاستاذة قبل متجي ..كان كيدوي مع نادية ....قلت ليها بلي شركة مغاديش نخليها ليها
مريام ~ وتا انا جاوبتك وقلت مغاديش نخليها ليك
فراس ~ دونك غادين تكملو فهاد الشراكة لي كانت قبل وتا حد ميخلي ولا يشري حصة واحد تاني شنو قلتو ؟؟
نادية مطمرة ~ مكتسناش منا تلقى لجواب دابا ، بنسبة ليا انا نلوحها في محكمة وهانية
فراس حافظ صواريه ~ وديك ساع نحلف ليك نتوما لخاسرين ، مد ليها كارت فيزيت ديالو وقال ...سولي على هاد سمية مزيان قبل متنصحي موكلتك
وقف زيدان وقف وراه محاميه كيدويو مبعدين
فراس ~ كيف قلت ليك اموسيو زيدان ، نعس على جنب الراحة وكمل على خدمتك هما لخاسرين
زيدان ~ تا انا خدمتي راني مكمل عليها بغاو غا زكير انا مولاه لعب لعيالات معنديش معاه ..مد ليه يديه وقال ~ منعطلكش على خدمتك
رجع لبلاصتو كانت مريام كتهز صاكهاا ~. نفكر في العرض وإلا راق ليا غدا تلقاني هنا الا كان العكس غتلقاني عوتاني هنا توجد ليا لبيرو لقلت ليك عليه بنما سالات دعوة
زيدان ببرود ~ غنستنااك !!
ميقت فيه وعطاتو بظهرها تبعتها نادية ل كان قلبها كيضرب واخا حضرات معاهم وتجاوبات ولكن لخلعة شاداها والوجع فيها خايفة تصفيها ليهم وتكمل عمرها في الحبس ..تبعت مريام هاد الاخيرة كتدوي معاها وتسول فيها شنو دير وهي مكيناش هناا
ضرباتو الفايقة ناض دايخ وراسو عاطيه الصداع مقدرش يحل عينيه بقى مدة كيحاول يحل فيهم ويرجع يسدهم عاد قدر يقاوم داك النعاس ليكان فيه رمى عينو في لبلاصة ل هو فيها كان صالون وناعس فوق الفوتاي واميمة حداه في جهة الاخرى ناعسة ...هز تلفونو شاف ساعة لقاها 4 تاع العشية تصدم وبقى يركز ويرجع في داكرتو عاد تفكر انو نادية جات لعندو وكانت عندهم الجلسة ليوم شويا جاه نعاس ونعس
سرى معاه القالب وان حطات ليهم شي حاجة في الماكلة حتى نعسو بلاما يحسو ولا حتى يشكو خدمتها صحيحة وهادشي كامل باش مايمشيوش للمحكمة ويطلقو ساط بسخط على تفكيرها الاجرامي كون شي واحد فيهم صدق ميت فين كانت غتولي هادشي كامل كانت تختصرو ف جملة وحدة بغيتك وما بغيتش نطلقو وكان غادي يسمح ليها ديك ساع ولكن صعيب تخرجها حيث كبريائها منعها وعزة نفسها كيف ديما طاغية عليها بزاف ساط ساخط وهو كيفكر فهادشي ..ناض لعند اميمة كيقيس فيها لقى نفسها منتاظم، فيقها بزز ناضت مدوخة والشقيقة شاداها مدة عاد استوعبت الامر طلع ليها الزعف من هذا التصرف ماعجبهاش الحال وبدات كتعاير ~هادا تصرف ماشي ديال واحدة بعقلها اشنو معنيت هاد تخربيق حولها كتقوليا قزلي لمراد يخرج يفطر وكتدوي بتلحوين ...
كانت كتغوات ومراد غير ساكت مخنز ومعصب حتى هو معجبوش الحال لموقف ل بانت فيه كان خايب بزاف ماشي ديال وحدة بعقلها ،زعف وطلع ليه دم جمع الوقفة هز سوراتو وبورطابلو وخرج خلاها وراه شاعلة تم نازل في الدروج ودوز ليها الخط ..
عند نادية لجالسة على اعصابها وثوثر باين ليها في وجهها بعد مديمارات طوموبيل ملقات غير دارهم تخبي خلعتها فبها مسات ليها وتخشات في بيتها متغدات ولا جاها الجوع كانت غير كطرطق في صباعها وعينيها على تلفون الا صونا ولا وصل مساج كتقفز وكتقول هو...جمعت الوقفة وحرقها راسها من قوة التفكير قررت دير ليها قهوة تبرد بيها بعدا ولا تهدنها مهم تلاهى فيها وجدتها وهزت كاس في ايدها حتى صونا تليفون لي كان في جيب غير خداتو وطلعت ليها نمرتو وهي تلوح الكاس من ايدها بقوة الخلعة ل سرات معاها .عضت على قنانفها برعب وقلبها كيضرب معرفت اشنو دير ..صونا عليها مرة لولة وثانية وثالثة ورابعة والخامسة ومني عرفها مغاديش تجاوب صيفط مساج
" كنقسم ليك بالله وماتجوبي حتى نجي لداركم "
خلعها بكلامو خلاها كترعد وتعض في صباعها مدة قليلة وصلها مساج اخر فيه
"خرجي انا قدام داركم "
غير قرات لميساج وهي تبدا تصفار وتخضار عرفت راسها كاع داك تخراج لعينين لفيها هنا غادي يتحد ليها اش تقول ليه ولا اش تجوبو ولا حتى لمبرر ل تعطيه تافه غسلت وجهها بزربة دوزت ايدها على عنقها كتهدن في راسها خدات نفس عميق وهي تخرج كانت لابسة بيجامة بيتية وهازة شعرها لفوق... اول مرة تكون جامعاه وفي رجلها بانطوفة ،خارجة كترعد في لمشيا غير تقابلت معاه وبان ليها متكي على الطموبيل وايدو فيها الكارو وهي تفافا كانت باغة ترجع بحالها مقدرتش تكمل لعندو ..ولكن شافها ولي عكا الله عطاه غير دور وجهو وقشعها وهو يتم جاي لعندها بخطوات ثقالبدات ترجع بشويا بشويا هو يغوات عليها ~ وقققققققققفيي وقفي !!
الخلعة جمدت ليها الرجلين وهي توقف في بلاصتها متحركتش... وقف عليها وتقابل مع وجها اما هي مقدرتش طلع العين فيه... حك عنقو كيسوووط بسخط وانفااسو لقوية كضرب في وجههاا عرفاتو شاااعل بدات تلعب بايدها حتى شدها من فكها وزير عليها عاد نطق بعصبية~ اشنووووو داكشي درررتي هضرررري كنتي باغة تصفيها لشي واحد ولا اش قال ليك داك العقل عندك ؟؟
تأوهت بالم من حر الشدة لي دار ليها ولكن مبغاتش تبين طلعت عينيها فيه ببراءة وشدات ليه ايدو بغاتو يبعد عليها وقالت ~ بعد مني امراد ،رد ليها لبال تقصحات رغم انها كتبين لعكس وهو يبعد ايدو عليها حاول يكالمي راسو عاد هضر ~ سمعي انقول ليك مبغيتش نغلط معاك ونتصرف معاك شي تصرف خايب ابنت الناس ولكن هاد المرة راك عيقتي وبزاااف واش انا مزوج بمراهقة ولا اشنو .؟؟..جوباتو وهي كتشوف في الارض~ حتارام راسك .صدماتو بتخراح العينين ومزال زايدة فيه ...جرها من ايدها لعندو حتى شهقت بخوف تيسحابو باغي يضربها خشا ايدو من ورا عنقها وجرها غير بشويا وهضر بصرامة~ طلاق غادي نطلقو حيث فعلا عييت من الانانية لي فيك وعييت من تصرفاتك انادية بزاف على عزة النفس وبزاف على حب الذات اشنو فيها الا قلتي كلمة زوينة اشنو فيها الا تنازلتي واحد شويا غبرتي عامين وصبرت حملتيني ذنب معندي فيه دخل وصبرت رجعتي ودرت محاولة نرجعو وتنازلت على نفسي وكرامتي و استفزيتي رجولتي وصبرت ليك ولكن تيقي بيا مبقيتش قادر نحارب على ودك بردت من جهتك وبزاف وهاد التصرف لدرتي معجبنيش وغير صغرتي براسك عندك يبان ليك راك حاربتي على ودي بهاد الطريقة بلعكس زدتي اكدتي ليا انا عزة نفسك عندك اهم مني اما باش ضعافي قدامي وطلبي مني سماحة جاتك صعيبة وكنبان ليك انسان ماكنستحقش تنازلي ليه زعمة برافو عليك عرفت قيمتي مزيان عندددك .
كلامو نزل كيف السم على قلبها حسات بظيم طاح عليها في ديك اللحظة شحال صعيبة تسمع هاد لكلام من شخص كتبغيه بزاف ولأصعب انه راجلك وحبيبك هو لي يقولو ليك و كلامو كولو صح لاول مرة كتحس بلسانها تعقد ومقدرت لا تجوب ولا دافع على راسها اكتفت تهبط راسها لتحت وتهرب عينها منو مجوباتوش بقاو مدة غير ساكتين كأنو لكلام هرب منهم بزوج لا هي قدرت دير شي حاجة وهو كيساين في ردة فعلها تبرر ولا دافع على راسها ..كان جوابها هو السكوت ...كسر هاد الصمت غير هو ملي بعد عليها وايديه تحيدت من على عنقها وخصرها في ديك لحظة حسات بروحها لغادية كتخرج ماشي ايديه حسات بشي حاجة كدفع فيها وخاصها دير خطوة للامام ،بعد عليها وعطاها بظهرو خاتمها بجملة وحدة~ الله يعاونك ،
شفايفها بداو كيترعدو بغات تنطق ولكن مقدراتش بدون شعور نطقت اسمو بصوت عالي وتبعاتو شاداه من ايدو~ مرررررررراد
دار لعندها شاف فيها بقات شادة ليه في ايدو وكتشوف فيه باغة تنطق وتقول شي حاجة ولكن فمها مطوعهاش بقات غير كتشوف فيه وساكتة حتى ضار فيها ~ غادي تهضري ولا غادي تبقاي غير تشوفي ..فشلها بردة الفعل وهي تبلع كلشي وجمعاتو في كلمة واحدة ~ لا معنديش .
جا يجاوبها وهو يصوني ليه تلفون كانت اميمة حيث تعطل عليها وخافت عليه لا يدير ليها شي حاجة سيغتو خرج معصب....جبد تلفون جوبها تحت انظار نادية لشدتها الغيرة فور ما سمعاتو نطق اسمها بهدوء ~وي اميمة ،وي وي سافا اكي انا جاي غير وجدي الحوايج اليوم نشدو الطريق .
قطع معاها وحيد ايدو من ايد نادية وزاد مخليها واقفة بحال التمثال
داز من حدا رجليها مكسيري مخلي غير ذخاخن وراه تبعاتو بعينيها حتى اختفى من قدامها .. حسات براسها فعلا الغلط لي دارت كبير و بزاف وبانت برهوشة قداموو و الفكرة باش ترجعو ليها تبخرات .. دخلت لدار و طاحت فوق الفوطوي على وقفتها الرعدة شاداها و كلمة وحدة لي تشدت ليها في فمها ..." ضااااع منك " هبطات راسهااا شاداه و صوت نخصتهااا غير مزاد كيترفع
نادية ... انا شنو درت و كيفاش فكرت هكا "تضرب راسها " علاش مشديتوش علاش مطلبتش السماحة علاش محاربتش عليه علاش خليتو ضاع منييي لا لا منقدرش حتى نتنفس بلا بيييه منقدرش ...بقات تبكي حتى تفشي عاد ناضت لحمام غسلت وجهها والقران ديال عقلها كيملي عليها شنو دير ~ بغيتي غير الطلاق والله لا كان ليك اراجلي لعزيز دبا نشوفو هاد الزعامة كاملة باقي معارفنيش مزيان..
داخل فيلا بلخليفي ...لي واخا كبيرة وزوينة ومخاصها خير كانت باهتة ومغيم عليها الحزن ...كانت جالسة لالة امينة هي وهناء لي حاطة عليها ركبتها ..كتشكي وتبكي ملات وراسها عمر و خاطرها تقهر من جهة نصر الدين لي من نهار خرج من الباب مبقى رجع .. ولات طالبة غا وجهو تشوفو وتعرف راسها واش من لمطلقيين ولا من لمزوجين من نهار غبر عليهم مبقاو سمعو عليه شي حاجة قلبها نفر منوو وولات تقول الله ينعل بو الحب وما يجي منو ...ويلعن الحب المذلول لي خلاها صابرة عليه ورافدة ليه هبالو
-هناء هزات راسها كتمسح دموعها عينيها منفوخين وحمرين ~... واش اخالتي هادشي بان ليك عادي عامين و الصرف وهو غابر ممعروف واش مات ولا باقي حي ولا هاجر و لا يمكن باقي في البلاد .. بنتو كبرت وقريبة دخل لمدرسة دور دور و تسولني على باباها ،بيا يكون دار مرا وولاد اخرين وخلاني مرهونة هناا ..عييت منكذب على دارنا ونخلق اعذار وجهي مبقيت عارفة اش جهة نصد بيه
-امينة قلبها مضيوم وحالها عالم بيه الله ~ اش غنقوليك ا بنيتي راه انا الأم و قلبي مشوي ومكوي على كبدتي من زوج جهات ...غا واحد عطاني بظهرو وغبر عليا وجهو متليتش شفتو، وواحد ممحسوبش على صحاب الدار.. حالتو غادا راجعة اللور ولا لبراني يشوفو كثر منا
هزات كفوفها لسما تناجي الله ~. يااربي شوف من حال وليداتي وجبر خاطري من جهتهم راه هما لي نكساب
تمات جايا اية تجري حداهم تنقز وتلعب مرة تلاح على ماماها مرة على جداها كبرات ودارت رجيلات وتسرح ليها اللسان وولات تعرف ~. ميما ميما قولي لماما تولد ليا ، بغيت خويا ولا ختي يلعب معايا
هزات ليهم كتافها بطفولية ودلات قنانفها ودوات فگعانة ~. لااءح علاش صحابي لي معايا فليكول عندهم بزاف خوتهم وانا لا هء هء تانا بغيت خويا ولا ختي
-امينة شافت في السقف مهربة عينيها منها وجاوبتها ~ ... ايوا الغالي الله ابنيتي
~~~~
عند مريام لي كان عندها الجو ناشط و بارد تغني و تشطح وتلعب مع ولدها لي كانت ملبساه ومقادا ليه وحاطاه فوق الناموسية على متوجد هي ...دير لكحل وتمشي تبوسو ، تمشط شعرها وتعنقو..مرة تشبشبو مرة تحير عليه لي شافها ميقولش والداه ولات صغر من سنها زادت ضعافت ووجها نور ..كملات لبسها الكاجوال وهزات أرون بين ايديها وصااكو على كتفها لي مجهزاه بشنو غيحتاج ونزلات لتحت فين كاينة عائشة ونزهة كيستناوها ليومة مقررة تغديهم على برااا
مريام شادة الطريق و عايشة حداها تزغرت و تحير ..نقصت من الموسيقى وسولتهم اشمن ريسطو يمشيو ليها
عيشة ~ الا كنت خالتك ونتي بنت ختي وتاع قلبي شديها بينا من هنا لدار بوعزة فمي عوج على الشوا
نزهة مؤيدة كلام ختها ~. والله حتى احسن حاجة مبغينا ديك ماكلات ريسطو زفطة في طبسيل وبزبالة لفلوس
مريام ضحكوها بزوج غا حك وصال غطاه ~ هي لي متعاود للالة عيشة ولالة نزهة
عيشة مخرجة يديها من شرجم~ ايوا زيدي ليا في الغناية وخليني نعطي الصبع
ضحكت عليها نزهة لي كان حداها ارون كيبغج في يديه و يخشيهم في فمو ... حطات مريام الايربودز في وذنيها و دوزات المكالمة لنادية ... لي هاد الاخيرة عقلها الشبان جلس في بلاصة المخ و بدا يعطيها في الافكار ... غير شافت سمية مريام و هي تعض على فمها وجاوباتها
مريام ~. وافينك اصحبتي قالت ليا خالتي مسافرة
نادية كانت كتجمع حوايجها ~ ايه ايه خرجات ليا شي خدمة وخاصني نوقف عليها
مريام حنحنت مضيقة عينيها ~ ...ديالاش !!
نادية ~باغا نعرف شكون هاد المحامي لي بان حيت بان ليا مساهلش
نادية ماشي من نوع لي كتنازل بسهولة ولا كتبرر حبها بالفم...علاقتها بمراد دايرة كيف لي عيني فيه ويخ منو ...مقدراتش تصبر راسها وتجلس الارض بعد مسمعتهم مسافرين دماغها ضرها والا مشى حتى ضرها غينغص عليها حياتها وعقلها غيصور ليها شي مشاهد لا حول ولا قوة الا بالله داكشي علاش جمعات الوقفة وقصدات لماريو كتجمع في حوايجها ...وقصدات دار مراد زربانة خافتهم يسبقوها وديك ساع خطتها تبخر ومتبقى عارفاهم فين مشاو ..رتاحت ورتاح قلبها ملي بانت ليها طوموبيلتو باقا مبراكية قدام دار ..بلاصات بعيد عليه ، سكتات الطوموبيل وحكزات الكوسان متكية عليه حتى وكان ينزلو علمات عائشة بلي غادا مسافرة على ود الخدمة .وغير قطعات معاها رجعات دوزات نمرة من لمعارف ليها
وي وي نادية هادي... الله يبارك فيك ، وا غير شي مشاغل غبروني وصافي وملي وقفت عليك هانا قصدتك
باراك الله وفيك مهم غادا نصيفط ليك واحد سمية وكنية ديال واحد محامي وبغيتك تجيب ليا عليه شي معلومات ..سكتات شوية وهي كتسمع لجوابو عاد قالت ...هذا هو المضنون فيك ..يالله نهارك مبروك...
قطعات عليه وصيفطات ليه مساج
مزال تماك كتسنى فيهم بان ليها تليفونها شعل فيه ضو وسمية مريام طالعة حاولت تحكم في هضرتها وتعرف شنو تقول حيت صاحبتها ماشي هي مها .وبالفعل قالت ليها شنو كاين واخا حسات بيها متيقاتش ،رجعات حطاتو بلاصتو ودوزات لوقت .. تقريبا ساعتين وهي منشورة عاد نزلو ..كان مراد هاز فيديه زوج شنطات حلات ليه اميمة الكوفر حطهم فيه كتبان ليها من البعد كتضحك معاه وتلاوح بشعرها كانت مخبية تحت الكرسي غير عينيها لي مطلعاهم وبقات حاضياهم حتى قادو لبگاج ديالهم عاد ركبو وديمارا زادو مع الطريق وهي تابعهم خرجو على كازا وشدو طريق بني ملال كانت من وراهم شاعلة كل ما كتفكر اميمة كالسة معاه وحداه نار الغيرة قتلاتها
طول لطريق وهي تعاير وتنگر غا بوحدها تا وصلو لخريبگة بانو ليها دخلو لمحطة الاستراحة للقهوة سطاسيونا طوموبيل ونزلو وهي فضلات تبقى بلاصتها متحركش ....طريق عياتها ورجليها تنملو ولكن داكشي لي كتحس بيه مخليها مكابرة.. متعطلوش بزاف شوية دلوقت وبانو ليها خارجين شادين طريق من جديد ...
وصلو لبني ملال مع جوايه تسعود ديال الليل وكملو على طريقهم بلاما يحبسو هما لقدام وهي وراهم حاسة براسها مفتش كولومبو مرة تفرح مرة يطلع ليها الدم على هاد الحالة لوصلت ليها ..هزات راسها قشعات بلاكة تادلة ومرضاتش لبال على شنو دازت محسات غير برويضة طوموبيل تفرگعت ليها وسط لخلا والقيفار ...شدات ليمن موقفة طموبيل مبقات قادرة لا تخرج منها لا تبقى فيها غير صوت كلاب لمسموع والطريق لخاوية تكون فايتة لعشر ديال ليل بغات تعيط لديبناج مبقاتش عقلت على نمرتهم من كترت الدعقة .. بدات كتقفقف وفمها كيترعد ومعندهاش حل من غير مراد
هزات تلفونها وعيطت ليه واخا كبريائها غادي يصبح في خبر كان مهم هو يعتقها دوزت نمرتو وبقات تسنى فيه يجاوبها
غادي في الطريق مزكين....حداه اميمة كتعاود ليه مرة يسكتو مرة يهضرو حتى تسمع صوت تلفون رمى عينو بانت ليه نمرتها استغرب حيث معمرها دارتها مبغاش يجاوب وعودت مرة اخرت كذلك نخلها ما بغاش يجاوبها وهي تصيفط مساج فيه " طحت اونبان في طريق انا خايفة بزاف "
سمع صوت المساج هزو بزربة وغير قراه حس بقلبو ل وقف في ديك الللحظة ماشي الطموبيل فرانا على غفلة ز بسرعة اميمة تخلعت كتسول فيه مكيجاوبش دوز الخط ليها جوباتو في البلاصة كانت كتبكي غير سمع صوتها وعرفها كتبكي طاح ليه لما في الركابي
مراد كيدوي معاها مخلوع ~ فينك !!؟
جوباتو وهي كتشهق بلبكى خصوصا ملي مجوبهاش المرة اللولة حسات بالضعف ملي شافت نمرتو وهي تفرقع بلبكى ~ مرااااد هئ هيء فيييينك ؟؟
مراد بصوت مخلوع ~ فيييينك نتي اشمن طريق ؟؟
جوباتو بزربة ~ طريق تادلة !!
تعجب كيفاش نفس الطريق ...مكانش عندو الوقت يحكر ولا يسول ومذخلش معاها في التفاصيل لمهم هو يعرفها فين كاينة ويرجع ليها
نعتت ليه مزيان فين كاينة درب الدورة في لبلاصة مخلي اميمة ما فهمت والو .
اميمة~ ياك لباس امراد اش واقع ،
مجوبهاش كان عقلو مرفوع ًوقلبو قريب يوقف بخوف على حبيبة قلبو ل مرمية فلخلا ،غادي طاير دقايق قليلة و كان عندها بانت ليه طموبيلتها جاب دورة عندها ووقف وسط طريق ..حل لباب وخلاه هاماك وقصدها بخطوات كبار باغي امتى يوصل ويطمن عليها....
اما هي غير سمعت صوت لفران هزات راسها بان ليها وهي تخرج كتجري من طوموبيلتها تلاحت عليه عنقاتو وهو كان كثر منها متلهف يحضنها بين ايديه ويطمئن عليها ..كيف ترمات في حضنو نطق بحمد ~ الحمد الله
قابل عينيه مع وجها لي كان كيبري بالدموع ولعينين حمرين شفران ساردين ....قضب حجبانو وقال بتساؤل ونبرة حنينة.. موقع ليك والو ياك
حركات ليه راسها بنفي وهو يرجع يخسيها فيه مزير تحت انظار اميمة لمفهمت والو وحسات بالاعصاب ركبوها فديك اللحظة
بقات معنقاه شويا تاع الوقت حتى سمعو صوت اميمة ل نطقت بنبرة قاصحة~ راااني عيث بغيت نمشي نعس مغاديش نباتو هناا ....
اميمة كانت مزال شادة فخاطرها من نادية على شنو وقع صباح ومنوم لي دارت ليهم حسات بيها ستاغباتها ...ومنها نيت بغات تلعبها عليها حيت حسات بوجودها مع مراد خلا نادية تقرب منو علاش قررات تلعبها عليها
رجع نادية للوعي ديالها ملي سمعت صوتها ..حيدت منها الخلعة وهي تنفخ بسخط ~ اففففففف
بعدت على مراد ل مبغاش يطلق منها حاس بروحو رجعت ليه فاش عنقها قلبو رجع للحياة مرة اخرى ملي شافها معندها والو وانها كانت قريبة ليه اما اليوم حالتو ما يعلم بيها غير الله ،خدا وجهها بين ايديه وباس جبهتها بحب وهضر بارتياح~ حشومة عليك اش بغيتي عندي في هاد الليل خليتي ولادي يهربووو .
مجوباتوش اكتفت بابتسمة صغيرة رسمتها على وجهها وهو يجرها من ايدها حل ليها الباب ركبها وهضر موجه كلامو ل اميمة
مراد ~ واخا تصووگي نتي
اميمة بتعب وارهاق باين~ لا مفياش امراد عيانة بغيت نعس وعاد طريق معارفاهاش
حرك عينه بتفهم وركب في بلاصتو و عيط لديبناج تجي تهز طموبيل نادية من بعد مخدا اغراضها منها وسورتها ورجع تحرك لبني ملال ولأقرب اوطيل
وصلو الأوطيل دخلو بزوج ناادية مقدرتش تخرج حتى من طموبيل بالحشمة والموقف المحرج ل تعرضت ليه هاد النهار محملتش راسها وندمات على قراراتها لمسطية .. رجع مراد شاف فيها لقاها مزال في بلاصتها وهو يمشي لعندها حل عليها الباب وتكلم معاها ~ هبطي اشنو مزال كتسناي
الاحراج سيطر عليها بدات غير كتفتف في اكلام ~ غير كنقلب على لاكارط ديالي وصافي مهم نزلت ودخلو مجموعين لأوطيل مراد ل تكلف خذا ثلاثة لغرف .. عطى لكل واحد لاكارط ديالها جبد باغي يخلص وهي تنقز نادية دايرة فيها عزة نفسي ما بتسمح لي ~ انا غادي نخلص على راسي ..
دار شافيها بتخنزيرة كانت حارة سكتت في لبلاصة ،هبطت عينيها كتشوف في ارض ،سلاو الاجراءات ديالهم وكل واحد توجه لغرفة ديالو لكانو حدا بعضهم .
دخلو بدون كلمة كلشي كان عيان مع الطريق والسفر نعسو بزربة واخا نادية كان قاتلها الجوع ... عينيها مقدراتش تغمض ولا معدتها تصبر عيطت سرفيس تاع اوطيل قال ليها كوزينة سدات طلع ليها دم ونكقات بغضب اش هذا سرفيس ديال لويل ؟؟
ناضت جمعت الوقفة خرجت من بيتها ومشات عند مراد كدق عليه مدة طويلة عاد حل عليها كان غارق في نعاس منين لقاها قدامو تصدم نطق بصوت مبحوح ~ ياك لاباس
خرجت من غرفتها غادية كتسلت في لكولوار حيث لبسها كان معيق شويا مبغاتش تبدلو غير ضد في مراد وصلت الغرفة ديالو دقات عليه مدة عاد حل عليها كان غارق في نعاسو سمع دقان ناض مخلوع شعل الضو وجمع الوقفة يحل الباب حل معاه حتى عينيه مني لقاها قدامو بيجامة قصيرة فخادها كلهم باينين ودرعان حتى هما شعرها كانت هزاه الفوق مخليا عنقها باين خرج عينه بصدمة بزز باش تحكم في ردة فعلو ولكن مقدرش يخبيها في نبرة صوتو نطق بحرارة~ اشنووو كاين ، بلعت ريقها بشوية ولكن عندها سرعة في الجواب هزت عينها فيه ونطقت ~ فيا جوع !!
صدماتو بقي غير كيشوف فيها مدة عاد نطق ~ من نيتك انادية مفيقاني من نعاس سيري تنعسي حتى لصباح ونفطرك في احسن بلاصة كاينة في بني ملال .
دفعاتو من قدام الباب ودخلت كتمختر في لمشيا ...دور وجهو وتبعها بالشوفة
ضارت شافت فيه ونطقت بغنج~ مرااااد والله حتى فيا جوع منقدرش نعس مع خدمة نسيت راسي هاد نهار ,
عوج سيفتو فيها وطلع حاجبو ونطق باستهزاء~ لخدمة ؟؟نووضي نوضي الجاسوسة ديالنا مني كنتي تابعانا كولي ديك الساعة ولا نسيتي
حنحنت باحراج وبدلت موضوع بزربة ~ راه لخدمة قالاك تابعاني دبا انا بغيت ناكل مشغليش فيا الجوع
قالتها ومشات ليه فوق الناموسية ،بقي غير كيشوف في هاد المخلوقة ل قدامووو عاد هضر وهو كيحك في راسو~ اه تفكرت راه عندي شلا سقاطة كنت خديتها لاميمة
نهبط نجبها ليك من طوموبيل ، يمكن معاها حتى شي كسكروط ولكن ممتأكدش معرفتها كلاتو ولا لا ،
غير سمعت اسمها وهي تشربن عليه جمعت الوقفة وتقابلت معاه~ اشنو ؟؟ ديال اميمة دبا انا ناكل شياطة ديال ديك خيتي .
عارف لغيرة لي شاداها ونار شاعلة فيها ~ عادي ديباني راسك الا بغيتي مبغيتيش سيري تنعسي .
مجوباتوش حمرت فيه اللهم الجوع ولا تاكل داكشي وهي تمشي نعست ليه فوق ناموسية ناطقة بتحدي~ حتى نعاس زوين
جرات عليها لغطا وتكلكمات فيه ...بقى واقف فبلاصتو كيشوفيها وكيتنهد ..تابعاه ليلة طويلة موحال يتلاقاو ليه شفار فيها ..اش يدير وهي حداه راه راجل ويعيا يشد راسو عليها غتجيب ليه تمام ..شوفة منها كتخليه ماهواش ...بالخق معليه غا بصبر ...ساط بصوت مسموع وتلاح في بلاصتو على كرشو خاشي راسو تحت لوسادا ونكق بصوت غليض ~. طفي حداك الضو
مدات يديها طفاتو وورجعات لبلاصتها تكات هاد المرة على ظهرها وكتشوف في سقف ومرة مرة كتدوى وجها وتسوف في ظهرو لعريان وتبتاسم ...لأول مرة غتنعس هي وياه فوق فراش واحد ولكن عمرها تمناتها تكون بهاد شكل مكرهاتش تقرب منو وتعنقو ولا تحط راسها على صدرو
تنهدات ونعسات على جنبها بقات مقابلاه حتى طاب نعاسها ومشاات
وصلات لشركة مع الموظفين كانت جايا واجدة وناوية تخدم ..قبل متقصد بيرو ديالو قررات تضرب طليلة على شركة ....مدات محفظة كانت هازا فيها وراق متعلقة بالخدمة عطاتها لبنت لي في استقبال تطلعها ليها لفوق ودارت بوشيط تحت يديها وتمات غادا كتفطح وصوت كعبها العالي هو لي كيتسمع مخلات تا بلاصة في شركة مدخلاتش ليها وممحتاجش تعرف على راسها حيت لخبار دغيا كتنتاشر وملي عيات عاد مشات لمكتب ديالو ...كان خاوي وهو مزال مجا رمات سلام على سكرتيرة ودخلات ليه بلاما تاخد الاذن منها ...توجها لطاولة الاجتماعات وجلسات دايرة رجل على رجل ،لقات محفظتها تما جبدات وراق خاوين وتصميمات ديجا مقاداهم حيت هوايتها هادي اكيد مسمحاتش فيها واخا مشات لفرنسا كانت مرة مرة تقاد شي حاجة وتخزنها ..
جمعات شعرها لفوق بمقبط هازاه معاها وتكات على الورقة كتخطط منغامسة وماهياش هناا تا سمعات صوتو لمبحبح كان كيدوي مع سكرتيرة ، حل لباب ومتفاجئش ملي شافها
زيدان حرك ليها رايو وجر كرسيه جلس عليه وجر كرسي اخور حداه وقال ~ نبداو من دابا الا بغيتي جلسي وتعرفي
ضحكات باستهزاء ومشات جهة طبلة ديال اجتماعات ، جلست على كرس في جنب وقال وهي كتجبد اجوندا وقلم ~. كيبان ليا هنا احسن نخدمو مرتاحين...
ترأس راس الطبلو جلس وقبل ميبداو في الخدمة قال بجدية ~. كنتمنى اي حاجة خارج نطاق الخدمة انفوا دخلي مع باب شركة تنسايها حنا هنا خدامين بزوج لخلافات يبقاو برا
مريام خرجات عينيها معجبتهاش هضرتو ~. كلامي قلتو ليك شحال هادا انا مسبقش ليا كنعرفك اسي زيدان لخليفي عاد عرفتك واخا ...تكات على الكرسي مقادة في الحلسة يمكن ليك تبدا !!
جلسو جليسة عملية سولاتو على امور الشركة صغير والكبيرة والمشاريع ل واقفة وتصاميم لي خاصة ولي قررات تقادهم بنفسها
مريام متكية على الكرسي وفيديها ستيلو كتقيد بيه ~. باش نتفاهمو على حاجة
زيدان حرك راسو ~. اما هي ؟؟
مريام ~ غادي نتقاسمو المشارع كل واحد فينا يشد حاجة يخدم عليها نتا مثلا الا درتي تصميم لشي مدرسة انا ناخد لمشروع لي يجي وراه وهاكدا يعني منتجمعوش على حاجة وحدة انا وياك ...من غير الاجتماعات هنا في خدمة ولاكن برا الخدمة كل واحد فينا يتكلف بشغلو
هز راسو بالايجاب معندوش مشكل ~. لي بان ليك ااستاذة
وقف كيطرطق في عنقو ..يمكن ليك تبداي من دابا ..ستعملي لبيرو ديالي على ما وجد ديالك
تشكرات بابتسامة باهتة ووقفات ، صونا تليفونها خداتو من صاك لقات نزهة لي كتعيط جوبات في الحين ...اما هو رجع لبيروه مكمل على خدمتو
مريام ~. وي ماما كلشي هو هاداك
نزهة ~ كلشي هو هاداك غير بغيت نقوليك غنخرج انا وخالتك نشوفو واحد لمرا من العائلة لا تجي لدار وتشطني
مريام بتساؤل ~. غتدي معاك كمال اماما ؟؟
نزهة بطنز ~. اش بان ليك نخليه في دار
بقات ساكتة شحال كتقلبها في دماغها مبغاتوش يمشي لعند عائلتها ولا يشوفوه ~. لا لا بلاش انا غنجي لدار ، غادي غير يبرزطك
نزهة دارت يدها على حنكها ~. ياك نتي خدامة كيف غديري ليه
مريام ~. ما يهمش انا جايا لدار اللهم معايا ،غادي يمحنك وراك عارفة هاد ليام ولا باغي يتحرك
نزهة تقلقات ~ صافي واخا لي بغيتي ابنتي ،ولدك ونتي تعرفي حسن مني
متاكدة مليون في المية بلي غتقلق ولكن معندها مدير غتراضيها وتفهمها ، من صغرو مولفاه غير على ماماها ، هي الوحيدة لي كترتاح فاش كيكون معاها في دار ولكن انفوا تسمع لخروج كتخاف كيجيب ليها الله غيتخطف. غتوقع ليه شي حاة علاش كتفضل تكون تاهيا الا كانو خارجين ..هزات تليفونها خشاتو في صاك ~. انا كيخصني نمشي خرجات ليا شي حاجة ؟؟
زيدان شاف ساعتو ~. من ورا لغدا عندنا اجتماع مع واحد لكليان ،كوني هنا باش تحضري ليه
مريام ~. كون هاني غنكون قبل لوقت ..
عطاتو بظهرها ومشات كان مقابل لبيسي غير حس بيها سدات لباب وهو يتكى على الكرسي راخي راسو اللور وكيخمم في قضية هاد الولد من نهار عرفو وهو طارد اي حاجة تدخل لدماغو وتشوش على تفكيرو ، مباغيش يقنع راسو بخرافات ويتوقع شي حاجة ماهيااش ولكن بزز منو عقلو كيجبرو يخمم فهادشي حاس براسو مغيرتاح حتى يشووفو
ناعسة مخشية فيه ومكايناش هناا ،كرشها ملاصقة مع كرشو وخاشية وجها في عنقو معنقاه ومرتاحة ...تسمع صوت دقان في الباب وعات عليه نادية هي لولة ولكن مسخاتش تنوض ومسخاتش بديك التعنيفة وديك اللحظة لي بنسبة ليها ممكن متعوضش بقات سادا عينيها ودايرة راسها ناعسة حتى حسات بيه كيتململ
حل عينيه مصبح عليها ،مولف يفيق خاسر ومقطوع وخاصو يفطر بگارو اما فديك اللحظة حس براسو ملك الدنيا بغى غا بوسة من فمها ولي بغى يوقع راضي بيه ...تگعد شوية كيتامل فيها كيفاش ناعسة ومرتاحة ....ممثلة بارعة لقب جديد خاصو يتحسب ليها حيت صبرات وقدرات تقنعو بلي مفايقاش لدرجة لي شافها يحلف عليها كتحلم ....شعرها كان ملاوح فوق لمخدة وعنقها باين مزيان بيض بحال لحليب مزيناه سنسلة رقيقة ...مقدرش يصبر كثر تحنى لعندها ناسي صوت الباب ومناداة اميمة عليه بسميتو...نزل شبعها فيه بوسات خفاف قبل ميطلع لفمها ويطبع قبلة بالمهل وهو كيستنشق ريحتها ...عطر نادية الفطري الخاص بيها ولي كيبورشو وكيجيب ليه تمام
نعل شيطان وجمع الوقفة كيمسح على راسو حلات عينيها بشوية بان ليا ظهرو وهي تكتم صوت تنهيدتها لي طلعات من عمق قلبها وخبات ابتسامتها لي ممكن تفرشها
حل لباب كان عريان من لفوق ولابس غير شورط ..~. صباح الخير ..قالها وهو كيتكسل
اميمة عينيها كانت عندو وعين عند نادية لي ضد تقلبات وطيحات الغطا عن قصد وتعوجات في نعسة حتى بانو فخاضها ..باغا تقوليها بطريقة مباشرة هاداك راجلي متقربيش منو
نطقات اميمة بصوت خافت وهي كتشير لنادية ~. واش تصالحتو
مراد دور راسو شاف في نادية لي كانت في كامل انوثتها فوق ديك الناموسية ، سد عينيه بجهد وعود حلهم ورجع شاف قدامو جهدو سالا ~. لا لا غير جات عندي البارح بغات شي حاجة ونعسات هنا
اميمة تكات على الباب وحافضت على نبرة صوتها الخافتة ~. كانت تابعانا ياك
مراد نكر ~. لا لا عندها شي خدمة ، هي عيطات ليا بغات من عندي غير نمرة ديباناج انا لي مقدرتش نخليها ومشيت عندها اما متبعتنا ما والو
متاكد منها تبعاتو ولكن مبغاش يقوولها لاميمة فضل يقول لعكس حيت عارف نفسها كيف دايرة وبلي مكترضاش ، مينكرش عجبو الحال حيت غايرة عليه وهادشي دليل انو كتبغيه وفنفس الوقت مقلق منها حيت مبغاش تنازل وتقولها
سد لباب ودخل عينيه مشاو ليها نيشان ولفصالتها لعاطية لعين حك يديه بزوج على خصرو ووقف حاضيها وكيدوي~. فينك اليام لفايتة تعالي شهدي ، شكون يقول مراد يصبر على بحال هادشي ل قدامو
نادية دارت لعندو بزربة جارة عليها الغطى ~ كتعتارف بعداا مكنتي مخلي لا حاحة لا ملاحة
مراد جبد فوطة من باليزة لاحها عليها ~. فقتي صباح الخير مزيان نيت نعيط ليك مدي ليا هادي
وصلات لداار وشحال طوالت عليها الطريق ...حلات لباب ودخلات لقاتهم جالسين في صالون مجمعين على كاس ديال اتاي وأرون في الارض كيلعب ويمشي ويجي على ركابيه فوق الزربية ....سلمات عليهم بالواقفية وتحنات هزات ولدها بين يديها عاد جلسات
جات قدامها وشداتها ايديها كتبوس فيهم كلو الا تقليقتها متقدرش عليها عارفة لي دارتو عليها مها ماشي اي ام ديرو ~. ولدك نتي ونتي تخافي عليك كثر مني...
انا اماما مبغيت يشوف تا حد من عائلة سوا عائلتك ولا عائلت با حيت بنسبة ليا معندي حد من غيرك نتي وخالتي ونادية واش نسيتي شحال دوزو بيا كيسان تاع اتاي وشحال لاموني ملي مات بابا
نزهة مكتبغي تسمع تا حاجة على عائلتها ~. هادوك عائلة باك اما عاىلتي مواصلاتكش وتا دابا ولدك عندك ماغادا بيه فيه !!
مريام حطات يدها على راسها تلفات مبقات عارفة مدير ~. ماما يهديك الله واش حبا فيك كيعيطو ليك راه غا بغات تعرف اش درنا فهاد العامين لفضول قتلهم ونجيك من الاخر انا مباغا تا حد يبقى يسول فيك ويبحث باه مغربي ولا فرنساوي وباش مات ززاش كان مريض وعائلتو فينها وداك نبيش لخاوي تصدقي قايلة شي كلمة
نزهة وقفات وتكلمات بعتاب ~. واش انا مزال صغيرة غادا تقريني ابنتي ، الا كانت ختي ختي لي لتحت وما فراسها تاا حاجة على راجلك عاد غنقوليهم هما واااهااااادي زوينة ...
تنهدات بصوت مسموع وعنقات مها كتبوس ليها على راسها وتحزر فيها ~. صافي لي بغيتي سمحي ليا انا غا خفت ومن حقي مبغيتش يكبر ولدي غدا ولا بعدو ويعقدوه بهضرتهم باراكا غا انا ...
بدات تمازح معاها والالة راه عندك ديه معاك وديري بيه لي بغيتي والله منبقى نقوليك حاجة
نزهة ضربتها لكتفها بخفة~ ومن لول جلسي في خدمتك لاش جايا تقري فيا شكون ولد شكون
مريام مسحات علا وجها وخبات ضحكتها ~. بزز مني اماما علاه انا لخاطري راني وسط عباد الله كنولي حاضية فمي ليخوني ويقول شي حاجة ...مهم انا مشيت الله يعونكم وردي ليه لبال عينيك متغفلش عليه
خرجات وواخا هاكداك قلبها مهناهاش ..عارفة لسان مافيه عظم وعارفة هضرة عباد الله مكتقاداش وغيگولو مها لي مقالتوش ...هادي من ناحية ومن جهة اخرا خايفة عليه دماغها كيصور ليها بلي يطيح لمها ولا يتوضر ولا تنساه تا في طاكسي هادا هو قلب الام مكيهناش
لاح عليها الفوطة ودخل الحمام يدوش مخليها على برا حاطة باليزتو فوق الناموسية وكتجبد ليه في حوايج ما يلبس ...ختارت بوكسر وتبعاتو سروال دجين وتي شيرط بالبيض جبدات تقيشرات جداد وحطات ليه سبرديلتو تاهيا ...كل حاجة تجبدها تقربها لنيفها قبل حتى تشم ريحتو عاد تطويها وتحطها فوق ناموسية بقات هاكداك تا كملات ..بانت ليها باغفان ديالو هزاتها ورشاتها على عنقها عوماتو مزيان وحطتها ليه فوق لحوايج ...كيف سالات بدات تسمع فصوتو كيغوت عليهاا وهي تجاوبو بصوت رقيق
نادية علقات ليه لفوطة في لبواني تاع دوش وبعدات ~ نعام اراجلي لعزيز اش حب لخاطر ؟
مراد متكي ورا لباب كيضحك عارفها كطنز عليه ~. مدي لراجلك لفوطة ولا نخرج ليك هاكداك ....
غادا على صباع رجليها لباب ديال البيت ~. وانا كنتسناك خرج نشوف ؟؟
وجهو مقزدر سواء مرتو ولا صاحبتو يخرج هاكداك لوجه لي يحشم عليه مكاينش ...حل لبواني وتم خارج كيقطر ..غير سمعات ايدو تحطات على قبظة لباب خرجات بحالا گعما كانت في لبيت ...
لقى لفوطة معلقة فين خلاتها لواها عليه وحرك راسو كيضحك ...قشع حوايجو مقادين وعلى ذوقهاا محطوطين فوق الناموسية وريحتو مكوخة الدنية عجبو الحال وهادشي لي كان متمنيه من زواجو فنادية توجد ليه وترد ليه لبال ، يضاربو ويتمازحو ورجعو يتخشاو فحضن بعضياتهم بالحق هادشي ولا كيبان ليه بعيد بزااف وصعيب يوصل ليه نادية ولات دايرة بحال المرغوب الممنوع تلف مبقى عارف كيف يتعامل معاها...نشف راسو وبدا يلبس عليه في لحوايج لي ختارت ليه
اما هي كانت في بيتها كتغسل وجها وكتقاد فحالتها بغات تكون على صنگة عشرة وكثر..جبدات لبس كاجول بحال لي ختارتو ليه سروال دجين مع تيشيرك ڤي من صدر بلون لبيض لبس معاهم سبرديلة فنفس اللون سرحات شعرها بلبلاك وخلاتو على راحتو قادات عينيها خفاف عكس فمها لي ركزات عليه وكان حمر ماط برز شفايفها بشكل مثير ...مدارتش الريحة حيت عطر مراد كافي ...لبسات ساعتها وسنيسلة كانت مزالل في عنقها دارتها نظارات على شعرها وهزات صاك كيتربط في الخصر فيه تليفونها وبزطامها وخرجاات...حلات لباب لقاتو متكي ليها على الحيط مكروازي رجليه كيتسنا فيها غا شافها وهو يتوكض وتقاد في الوقفة طلعها ونزلهاا ودار ابتسامة جانبية كانت كفيلة تخلي قلبها يضرب
قرب منها وخشى راسو في عنقها باسو حتى تبورشت وقالت ~. اش هاد الريحةة
نادية عينيها كيلمعو ~. زوينة يااك !!
مراد جرها من خصلة تاع شعرها كانت بين صبعانو كيبرم فيها ~. وانا كنقول لقرعة نصها فين تخوى ...بعد عليها وخنزر وهو كيحنزز في فمها ~. واااااش هاد التعكيرة غادا معروضة
غادي وراها كيحك في لحيتوو ويعض على فمو بالغدايد لي ركبت فيه ....سرع خطواتو حتى قرب منها وجبد ايدها عندو ضمها وسط ايدو وزير عليها وقال ماراضيش ~. مافيا لي يضسر عليك شي حد ومنوضوها وصباح هادا ...
نادية قلبها كيشطح ومكرهاتش حتى هي تلوز مونساه...تاهيا زيرت عليه وقالت ~. اه اه واخا شد فيا مزيان نيت رجليا فاشلين غنصدق غا طايحة...
نزلو لقاو اميمة طالبة لفطور ليها وليهم على ذوقها وكتسنى ،غا بان ليها مراد وهي تهب فيه ~ گاع هادشي كتدوش ممولفاش ليك تعطل
خلاتهم ومشات قصدات طبلة قدامهم خدات ليها اش بغات واخا مبقى عندو منين يدوز حسات بشهية تسدت ليها من الهضرة لي سمعت مرة على مرة اميمة كتسممها جاب ليها الله دايرها معاها ضد .. حك ليها السرباي فطورها بدات بقهوة وكل مرة كتقول هاهو غيجي لعندي هاهو كيجلس حدايا ساعة معبرهاش وهادشي زاد قلقها وخلاها متعقلش على فطورها
بان ليها ناض يحاسب وهي توقف تاهيا حداه وقالت قبل ميخلص وهي عاقدة غوباشتها ~. فطوري غنخلصو راسي
طلع فيها ونزل بغيض ومحاشاهاش ليها دارها ليها على قد فمها خلص ومشى ...اما هي كان وجها مخشي فصاكها كتقلب على كارط بانكير ديالها في لبزطام ملقاتهاش
رجعات بيها داكرتها وستعقلت انها مجابتهاش معاها تنهدات بغضب حيت اخر حاجة كانت متوقعاها هي هادي ....جااب الله عندها لفلوس في لبزطام خلصات بيهم وخرجات قدام اوطيل ..كان مراد كيكمي واميمة قدامو كاتسول فيه على وجهتهم الموالية ...دازت من حداهم كتدوي في تليفون
كان سيد لي كلفاتو يجيب ليها معلومات على لمحامي هو لي عيط ليها ~. صباح الخير لاباس عليك
- كلشي هو هاداك ااستاذة الله يحفظك ونتي هانية
نادية ~ الحمد لله ، امدرا لقيتي شي حاجة
- لقيت بزااف مهم سمية لي صيفطي محامي معروف في مراكش كان مرونها وبيني وبينك يديه واصلة وعندو مع الوسخ
الا جاتك لفرصة ومشيتي لتك نصيفط عند واحد سيد ثقة يقوليك ضواساه كاملين
نادية كتحك فراسها ~. من هنا لغدا نكون تما نتا عطيني نمرة هاد خاينة ووصيه عليا ومنساش ليك هاد المعروف
- مبيناتناش الله ياودي كلشي غيوصلك في ميساج الله يعاون
مراد دور وجهو لعندها قابل عينيه مع عينيها ~. وانا شنو هنااا
نادية بحرقة ~ نتا جاي باش تسارا مجايش على ودي
خلاتو ودخلات تبعها كيجري موقفت ليه حتال سانسور سد عليعا فيها ونطق بعصبية ~. نادية بلا تبرعيش
نادية بحدة ~. الا كنت انا كنتبرهش نتا هادشي لي كدير فيه شنو امراد ....واش غا نتا لي كتحس اناا لا ..بدات تغوت ...غا مرة تقوليا جايب شي سقاطة لاميمة عارفها كيجيها جوع، مرة هي تقزليك شفتك تعطلتي في دوش ممولفاش ليك ...راه كيف نتا عندك قلب تا انا
بزاف على صداقة تكون هاكدة ، ايااه انا جيت تابعاك ودابا مبقيت ش بغيت نعتبها وراك حيت دمي تحرق وخاطري مرض باركة عليا
لا وزايداها واخدا فطور ليك وليا على ذوقها سيدة
مراد رفع حاجبو فيها ~. ساليتي
نادية خنزرت فيه ~. حل هاد الزبل الله يرحم بيها الوالدين وسير وخليني عليك
مراد شدها مع معصمها متبتها ~. نادية مغتسنايش مني نمشي ونخليه هنا راك مرتي واش عارفة شنو مرتي
سير الله يعرضك السلامة كمل على طريقك خليني نقابل خدمتي ونتا قاابل اميمةةةة
قالتهاا ضاغطة على اسمها
ديبلوكات لاسانسور وخرجات بلاما تلفت ليه ..حاسة براسها باغا تبكي عيات تصبر ومبقاتش قدرات لغيرة قتلتها وحسات بنفسيتها تأزمات بزاف اللهم تحبس هنا بلاما تزيد تسمع ولا تشوف لي يغير خاطرها. ...حاسة براسها كتدفع تمن افعالها بتاني ولمتني
دوزات الاجتماع على عينيها كانو كيدويو وهي غير كتهز فراسها دماغها مرفوع ديك ساع وكتفكر غير في ولدها ،هما تافقو وهي عطات الموافقة بلاما تحس شافتهم وقفو كيتسالمو وناضت تاهيا بابتسامة شبه حية مدات ايديها وسلمات... غير خواا لبيرو رجعات جلست حاطا ايدها على راسها حتى سمعات تحنحيتو كان واقف وراها ~. واش كلشي هو هاداك عندك شي مشكيل
مريام هزات تليفونها ووقفات ~. لا لا كلشي مزيان غير نهار لول تاع لخدمة راسي ضرني انا نزل ناخد ليا قهوة
خرجات وخلاتو خاشي يدو في جيبو وكيشوف نزلات لريسطو خدات ليها قهوة كحلة تفيقها ...جلسات فوق طبلة كل مرة تهز راسها لواحد من موظفين حتى وصلها مساج فتليفونها حلاتو كانت نادية كتعلمها فيه باش تصيفط ليها لفلوس وبلي نسات لي كارت دياولها ....شربات كاسها فدقة وناضت مدوزة ليها الخط كتيول فيه ~. وي زين اشمن مدينة نتي ...صافي دابا يكونو عندك
قصدات اقرب وافاكاش كانت فطريقها حولت ليها فلوس لي غتقدها وتزيد وشدات طريق ...
كان عقلها متضارب مع قلبها مرة تقول نمشي لدار نرتاح شوية كتقول خرجت خرجت ندوز على ماما نجيبهم في طريقي وفي الاخير ربح القلب...دوزات رقم مها ودارت مكبر الصوت ~. وي ماما خرجتو ولا مزال
نزهة حداها صداع والهراج ~. مزال ابنتي علاش ؟؟
مريام ~. لقيتيني دايزة من تما كانت عندي شي خدمة حداكم وقلت نجيبكم معايا في طريقي
نزهة ~. ايه ابنتي غديري مزية تعذبنا في طاكسيات قبيلة
مريام زادت في السرعة ~. صافي ملي نقرب نوصل نعيط ليكم تخرجو
مسافة الطريق وكانت واقفة في شارع لي مقابل مع الدار وصونات ليهم باش ينزلو ...سكتات طوموبيلتها وقررات تبقى فيها مبغاتش تطلع ومعندها مدير عندهم...بانت ليها عائشة هابطة هي لولة ووراها نزهة مركبة ارون قدامها جاايين كيضحكو قاصدين طوموبيلتها وغافلين على سيارة جايا قاصداهم بسرعة كبييرة
الحب أقوى من أي إتفاق الجزء 11
محتوى القصة
التنقل بين الأجزاء